Skip to main content

MUTUMIN DAYA RASU ANA BINSA BASHIN AZUMI SHIN ZA'A RAMA MASA?

Tambaya:

Assalamu alaikum 

Allah Ya gafarta Malam wata tambaya muke da ita tambayar itace: Baba nah ne yake jinya tin last year besamu sauki ba,besamu yayi azumi shi ba har Allah yayimai rasuwa.shin zamu iya rama mashi ?

Amsa:

Wa Alaykumus Salam wa Rahmatullah
Idan azumin Ramadan ya riski wanda ke ciwon da a ke sa ran za a warke, sai ya sha azumin saboda ba zai iya yi ba, kuma bai samu lafiyar da zai iya ramawa ba bayan Ramadan har ya rasu, ba bu komai a kansa. Ba ramako, ba ciyarwa a kan magadansa. Dalili kuwa shi ne Shari'ah ta ba shi damar ya ajiye azumi saboda rashin lafiya. Tun da bai samu lafiyar da zai iya biyan azumin da ke kansa ba, ba wani wajabci a kansa ko magadansa.

Idan kuwa Ramadan ya riske shi a halin jinyar da ba a tunanin warkewa, wajibi ne ya ciyar da mabuqaci a madadin kowace ranar da bai yi azumi ba. Idan ba a ciyar ba har ya rasu, magadansa za su ciyar a madadinsa.

Idan kuma ya sha azumin ne a cikin rashin lafiyar da a ke sa ran zai warke, kuma ya samu sauqi bayan Ramadan, ta yadda zai iya rama azumin da a ke binsa, amma ya kasance bai yi ba har ya rasu, toh, magadansa za su yi azumin a madadinsa. Idan ba su yi azumi ba, za su ciyar.

Wallahu A'alam

Amsawar: ✍🏼

Sheikh Dr. Ahmad Bello Dogarawa

Daga: ZAUREN FIQHUS SUNNAH
Labels:

Comments

Post a Comment

Popular posts from this blog

Addu'ar Neman Mijin/Matar Aure

TAMBAYA Assalamu Alaikum warahmatullah malam don Allah ina Neman fatawane Watace take Neman miji kasancewar duk masu  zuwa wurinta ba dagaske suke yi ba toh shi ne ta nemi taimako wurin malamin zaure yake bata rubutu tana sha daniyyar Allah ya sa ta dace. Toh malam abin tambaya anan shi ne shin menene makomar abin da ta aikata? shin malam tayi shirka ne ko kuwa tayi ba daidai ba? nagode. AMSA    Dafarko gameda shan rubutu muddin ayan QUR'ANI ne tsantsa babu wasu zane zanen hatimi, to ya halatta yadda IBN TAIMIYYA ya tabbatar a MAJMU'UL FATAWA, haka ma WAHEED ABDUSSALAM BAALY ya tabbar da hakan a SARIMUL BATTAR,    Amma in akasin haka ne haramun ne don yakan zama shirka ne da surkulle,    Fadin cewa Malamin zaure ne na gargajiya to galibi irin na shirkan sukeyi, don haka ki tuba tsakanin ki da ALLAH da alkawarin bazaki sake zuwa wurin su ba don kare addinin ki da mutuncin ki,    Don samun biyan bukatun ki sai kizage da addu'a da kiyamul...
2 comments
Read more

HAKKOKIN MA’AURATA A SHARI’AR MUSULUNCI Fitowa na 3

HAKKOKIN MA’AURATA A SHARI’AR MUSULUNCI               NA MALAM RABI'U UMAR RIJIYAR LEMO, KANO. FITOWA TA 3 (kuma fitowa ta karshe): HAKKOKIN MACE A KAN MIJINTA: Kamar yadda miji yake da hakkoki akan matarsa, haka ita ma matar take da hakkokin akan mijinta, daga cikin wadannan hakkoki akwai : 1 - SADAKI: Hakkin mace ne a bata sadakinta, yayin da za a aure ta, Allah Madaukakin Sarki ya ce: “Ku bawa mata sadakinsu kyauta” (Nisa’i 4). A wani wurin Allah Madaukakin Sarki cewa ya yi:   “Ku aure su da izinin iyalansu, ku basu sadakinsu da adalci” (Addalak : 25). 2 – CIYARWA: Hakkin mata ne akan mijinta ya ciyar da ita, gwargwadon halinsa, koda kuwa tana da wadata da arziki, Allah Madaukakin Sarki yana cewa :  “Mai wadata ya ciyar daga wadatarsa, wanda kuwa aka kuntatawa arzikinsa, to ya ciyar daga abin da Allah ya bashi, Allah baya dorawa wata rai sai abin da ya bata” (Dalaq : 7). An tambayi Manzon Allah, tsira da amincin ...
Post a Comment
Read more

Hakkokin Ma'aurata a Shari'ar Musulunci Fitowa na 2

HAKKOKIN MA’AURATA A SHARI’AR MUSULUNCI       NA MALAM RABI'U UMAR RIJIYAR LEMO, KANO. FITOWA TA 2 3 -  YIN ADO DA KWALLIYA: Hakkin miji ne akan matarsa ta yi masa ado da kwalliya, don ta kare shi daga kallon wasu matan daban, wadanda shari’a ta hana shi kallonsu. Mata sun kasance suna kwalliya da dan kunne da awarwaro da munduwa tun a zamanin Manzon Allah, tsira da amincin Allah su tabbata a gare shi, kamar yadda hadisin Abdullahi dan Abbas, Allah Ya kara yarda a gare shi a cikin Sahihul Bukhari da Muslim ya nuna, a lokacin da Manzon Allah, tsira da amincin Allah su tabbata a gare shi, ya je wajensu, ya yi musu wa’azi a ranar idi. Kuma saboda Mahimmanci mace ta yi wa mijinta kwalliya, ta zama a shiga mai kyau mai jan hankali, Manzon Allah, tsira da amincin Allah su tabbata a gare shi, ya hana miji ya dawo wa iyalinsa daga tafiya cikin dare, ya shigo gida ba tare da sun san da zuwansa ba, An karbo daga Jabir, Allah Ya kara yarda a gare shi, ya ce, Manz...
Post a Comment
Read more